Сон за мяжою

Мне за мяжою спалося так дрэнна,

Хацелася ўстаць і пайсці па дарозе

Да роднай краіны, дзе людзі сумленны…

Хацеў аказацца на родным парозе.

Уначы за мяжою мне сніліся войны,

Быццам ўсё страціў, прасіў прабачэння.

Удалечы ад маці, краіны і мовы

Я пазабыў аб сваім прызначэнні.

А на радзіме ўсё будзе як трэба:

Пяшчотнае сонейка, цёплыя хвалі.

Цяпер мне і Бог усміхаецца з неба.

Я больш не паеду ў дальнія далі.

Мне лепей глядзець у вочы аблокаў,

У дзіўныя светлыя вочы матулі…

І птушкі ляцяць высока-высока,

Яны ў маё цела жыццё ўдыхнулі.

Няма на душы ні сумоты, ні болю,

Цяпер на вятры шчасцем поўняцца грудзі.

Хай будзе мой край багаты і вольны!

Хай будуць шчаслівымі добрыя людзі!