Люблю цябе, чыстая Белая Русь

Змалку звалi цябе
Мы прыгожай Радзiмаю,
Беларусь, Беларусь,
Як ты сэрцу любімая!

Пятрусь Броўка

Мая радзіма — Беларусь. Мне вельмі пашанцавала нарадзіцца ў такой прыгожай і непаўторнай краіне. Цікавая назва Белая Русь кажа аб чысціні і прастаце гэтых месцаў, незвычайных пейзажах, прыгажосці і багацці нашага краю. Уся гэтая прыгажосць нясе супакаенне і спакой. Шырокая і прасторная наша зямля. Хочацца атрымліваць асалоду ад кожнага моманту, знаходзячыся тут, раствараючыся і патанаючы ў натуральнасці прыроды.

Многія звязваюць назву нашай краіны з птушкай буслам. Ён таксама белы — чысты, як і наша радзіма. Бусел — гэта птушка, якая лунае над нашымі краявідамі, выбірае сабе жытло каля паселішчаў чалавека. А згодна з народнымі прыкметамі, бусел прыносіць дабрабыт.

Жыць у Беларусi – гэта не проста жыць і належыць вызначанай дзяржаве свету. Гэта значыць любiць традыцыi, звычаi, ведаць культуру, мастацтва сваёй краiны. А таксама шанаваць і берагчы прыроду, помнiкi архiтэктуры, каб захаваць iх для будучага пакалення такiмi, якiя яны есць зараз: выдатныя і загадкавыя, што радуюць вочы беларусаў і гасцей нашай краіны. Але Беларусь славіцца не толькі рэчамі і прыгожымі краявідамі, яна славіцца і таленавітымі людзьмі. Наш народ даволі працавіты. Тое, што стварылі беларусы, многія адносяць да твораў мастацтва, а іх вырабы з бавоўны цэняцца асабліва, бо яе беларусы вырошчваюць у сваёй краіне. Асабліва трэба адзначыць працу рукадзельніц. Іх ручнікі асабліва цэняцца ў нашых беларускіх сем’ях, з імі звязаны многія беларускія традыцыі. Напрыклад: падчас вяселля ручнікамі перавязвалі важных гасцей — свякроў, свата, шваграў і сватоў з боку жаніха, сяброў жаніха, маці нявесты, імі благаслаўлялі маладыя шлюбы. Акрамя гэтага, падчас вянчання маладыя станавіліся на спецыяльны ручнік, рукі маладых таксама звязваліся ручніком. Усе гэтыя абрады сімвалізавалі аб’яднанне, звязванне двух родаў.

Асобным пунктам трэба выдзяліць цяжкае гістарычнае мінулае нашай краіны. Шлях да незалежнасці Беларусі быў вельмі цярністы. Мы не маем права забываць, якой цаной далася нашым продкам Вялікая Перамога, і пра тое, што яны заваявалі яе, змагаючыся плячом да пляча, каб мы і нашы дзеці жылі ў краіне, з мірным небам над галавой. Таму наша краіна з павагай ставіцца да сваіх ветэранаў.

Беларусь — гэта тое месца, куды мы заўсёды вяртаемся, а яна, наша Радзiма, заўсёды чакае нас. Мне вельмі пашчасціла нарадзіцца ў такой краіне, стаць часткай беларускай нацыі і па праве называць сябе беларускай — у самым высокiм сэнсе гэтага слова! А колькі сэнсу ў адным слове — Радзіма … колькі пачуццяў выклікана ўсяго адной краінай — Беларусь. Я ўспамінаю ўсю яе непаўторную прыгажосць, думаю пра сваю вялікую, цудоўную краіну і ганаруся ёю. У кожнага з нас краіна, дзе мы нарадзіліся, павінна выклікаць самыя цёплыя і светлыя пачуцці.

А што ж такое Радзіма? Для мяне Радзіма — гэта тое месца, якое дае мне новыя сілы і жаданне рухацца насустрач маім марам. Краіна, паветра якой зараджае энергіяй і выклікае самыя цёплыя пачуцці да свайго народа. Я не магу ўявіць сябе без нашых цудоўных краявідаў, без роднай беларускай мовы, без нашых меладычных песень — усяго таго, што называецца двума простымі словамі — Белая Русь. Яны ўраслі каранямі ў сэрца, і адабраць іх можна толькі разам з жыццём. Хто хоць аднойчы пабываў у нашай краіне, той нiколi не забудзе добры, талерантны, спагадлiвы народ – беларусаў.

Беларусь — адно слова, адна краіна, а калі я згадваю пра яе, у душы выбух эмоцый. Я лічу, што кожны з нас павінен быць годным прадстаўніком свайго народа і сваёй краіны.

Я люблю сваю Радзіму і ганаруся тым, што менавіта тут я нарадзілася!