Yahor Hermianchuk

Самая старая жанчына на Зямлі. Ганне Барысевіч з Мінска ў 2007 годзе споўнілася 118 гадоў. У 1999 годзе ў Дзень святога Валянціна на спартыўным манежы “Уручча” адначасова пацалаваліся 5900 чалавек. На серверы гульні “World of Tanks” беларускай кампаніі “Гейм Стрым” у студзені 2011 года была зафіксавана найбольшая колькасць гульцоў адначасова – 91 311 чалавек.

Люблю вакзалы. Месца сустрэч і растанняў, слёз і радасці. Пануе хвалюючая атмасфера, чакаеш нечага новага, нават чамусьці паветра тут кожны раз рознае. Бесперапынны рух на вакзале заўсёды, жыццё ні на хвілю не спыняецца. Вакол заклапочаныя людзі, яны таксама чакаюць нечага новага, нервова хапаюць клункі, пачуўшы шэры голас жанчыны, што абвясціла аб прыбыцці цягніка.

Ужо каторы дзень за вокнамі ідзе дождж. Ён стварае адметны глухі шум, ахутвае свет шэрай коўдрай, прыносіць холад і свежасць. А яшчэ робіць людзей соннымі… Не ведаю, але для мяне лепшае надвор’е. Дождж супакойвае мяне. Гэта той час, калі можна забыцца пра мітусню вуліц, расслабіцца, седзячы ў цёплай коўдры з кубачкам гарбаты, паглыбіцца ў свае думкі, паразважаць над надзённымі праблемамі.