Жыццё задыхаецца без мэты

Людзі па сваёй прыродзе імкнуцца да мэты. Няма мэты – няма руху наперад, няма пачуцця задаволенасці і нават сэнсу існавання. Жыццё без мэты падобнае да бясконцага блукання па лабірынце, дзе кожны паварот прыводзіць да чарговага тупіка.

Без мэты мы часта губляемся ў руціне, звяртаючы ўвагу толькі на штодзённыя клопаты і праблемы. Гэта прыводзіць да марнавання часу, што, у сваю чаргу, можа выклікаць пачуццё бездапаможнасці і роспачы, бо чалавек адчувае сябе палонным свайго ўласнага жыцця.

Наяўнасць мэты таксама дапамагае палепшыць эмацыйны стан чалавека. Людзі з дакладна вызначанай мэтай адчуваюць менш стрэсу і трывожнасці, бо яна дае ім пачуццё кантролю над сваім жыццём.

Мэты могуць быць рознымі для ўсіх людзей – ад дасягнення прафесійных поспехаў да стварэння сям’і ці дапамогі іншым. Важна знайсці тое, што натхняе кожнага з нас, прыносіць радасць і насычае нашы дні сэнсам.

Аднойчы знакаміты пісьменнік Антуан дэ Сэнт-Экзюперы адзначыў, што «мэта без плана – гэта проста мара». Пастаноўка мэты і імкненне да яе дапамагаюць захаваць актыўнае мысленне і пачуццё свядомага ўзаемадзеяння з жыццём. Такім чынам, мэта неабходна для нашага існавання. Без яе  наш шлях становіцца пустым, пачынае задыхацца. Мэта – гэта святло ў цёмныя часы. Гэта натхненне і кірунак у гэтым бязмежным свеце.

Панькова Марыя