Выдатны настрой з любоўю да кавы

24 і 25 сакавіка адбылося галоўнае кававае мерапрыемства года – Coffee Fest Belarus 2018!

Усё праводзілася ў ужо знакамітым не толькі для мінчан, але і ўсіх беларусаў, месцы – ГЗЦ Galleria Minsk. Наведвальнікаў чакала мноства кававых забаў, якія спадабаліся і дарослым аматарам духмянага напою, і зусім маленькім гасцям. Як і абяцалі арганізатары, наведвальнікаў чакалі майстар класы ад прафесіяналаў, дэгустацыі, і, зразумела, смачная кава. І самае галоўнае, упершыню ў рамках івэнту адбылося адразу 6 кававых чэмпіянатаў, пераможцы якіх будуць прадстаўляць Беларусь на сусветных спаборніцтвах.

У апошнія гады кава займае пераважныя месцы ў выбары напою, а кавярні сталі адной з самых квітнеючых галін бізнесу. Гэтая тэндэнцыя не абыйшла і нашу краіну, за апошнія некалькі гадоў у Беларусі з’явілася некалькі дзесяткаў новых кавярняў як замежных кампаній, так і выключна нашых, беларускіх. Усе ўстановы ствараюць свае асаблівасці ці, так званыя, ‘фішкі’, якія прыцягваюць новых наведвальнікаў або заядлых аматараў гэтага духмянага напою. З такімі хуткімі тэмпамі развіцця гэтага кірунку, новым кавярням прыходзіцца вельмі няпроста: па-першае, з-за прыдумлення той самай ‘фішкі’, а, па-другое, з-за існавання сур’ёзнай канкурэнцыі на рынку збыту. Большасць сучаснай моладзі не можа пражыць і дня без кубачка эспрэса ці капучына. Ні адна сустрэча ў кампаніі сяброў не можа прайсці без кавы. Калі спытаць у чалавека, куды мы пойдзем, то, часцей за ўсё, будзе такі адказ: «Давай пасядзім ў якой-небудзь ўтульнай кавярні».

Зараз нават самы заўзяты гурман можа знайсці нешта на свой густ, нешта асаблівае, якое падыходзіць выключна яму, тым больш, калі ўлічваць тэндэнцыі ў распрацоўцы новых варыяцый напояў з кавы: з малаком або сліўкамі, рознымі рэзкімі прыправамі і сухафруктамі, сіропамі і нават алкагольнымі напоямі. Таксама ўсе кавярні заказваюць розныя віды кававых зерняў са сваімі смакавымі паказчыкамі і ступенню абсмажвання. Таму, здавалася б, адзін і той жа напой у розных кавярнях будзе мець зусім розны густ. У сучасным свеце гэта стала цэлай навукай са сваімі асаблівасцямі, зразумець якія дадзена не кожнаму.

У апошнія гады з’явіўся такі тэрмін, як «кавярні трэцяй хвалі», што ж гэта такое? Давайце разбіраць па парадку. Першая хваля — гэта этнічныя метады заварвання, гэта значыць з дапамогай туркі, другая хваля — больш позні прамежак часу (прыкладна 60-70 гадоў таму), калі пачалі набіраць папулярнасць эспрэса і капучына. А ўжо трэцяй хваляй называюць «альтэрнатыву» — шэраг простых метадаў, якім часцей за ўсё парадку 100 гадоў ад роду. Існуюць некаторыя асаблівасці падчас распіцця і прыгатавання гэтага віду кавы. Перш за ўсё трэба адзначыць, што “альтэрнатыва” заварваецца на асаблівых відах Арабікі (катэгорыі speciality). У сваёй большасці, адзін і той жа напой, завараны альтэрнатыўным спосабам, мае розныя смакавыя аспекты: шчыльнасць, водар, слодыч, кіслотнасць — таму яго рэкамендуюць піць у 3 этапы: першы — адразу пасля падачы, гэта значыць калі кавы яшчэ гарачая, другі — пасля невялікага астывання, і трэці — калі напой, можна сказаць, халодны. Гэтак жа,калі спрабуеш альтэрнатыву, важна нават гуртка, у якой яна пададзена. І ў цэлым, посуд вельмі ўплывае на тое, якой кава ўспрыміцца. Калі барыста трэба зрабіць акцэнт на водары, то ён выкарыстоўвае кроплевідную чашу з больш шырокім дном і вузкім горлышкам, якое канцэнтруе пах кавы і не дае яму развеяцца.

• Ці заўважалі вы, што кава ў кавярнях падаецца цеплай, а не гарачай, як дома? Гэта такая тэхналогія прыгатавання на кававарачнай машыне (напрыклад, сярэдняя тэмпература падачы капучына раўна 90 градусам).
• А ці ведаеце вы, для чаго падаюць ваду разам з кавай? Існуе некалькі меркаванняў, для чаго гэта робіцца. Па-першае, Вам неабходна выпіць крыху вады для таго, каб ачысціць Вашы смакавыя рэцэпты, дзякуючы чаму напой прачуецца ў поўнай меры. На другую думку, вада з кавай падаецца для таго, каб аднавіць водны баланс пасля яго ўжывання.
• Ці заўважалі вы, што амерыкана (эспрэса, разведзены вадой) падаецца не ва ўсіх кавярнях, таму барыста прапануе альтэрнатыўны напой, які задаволіць жаданне кліента.
• У некаторых кавярнях можна паспрабаваць такі незвычайны, на першы погляд, спосаб заварвання, як «кава на пяску». Але ўсё значна прасцей, чым здаецца, каву ўсяго толькі заварваюць у турцы, але як прыгожа гучыць!

Кава, як вядома, танізуе і дае прыліў сіл, бадзёрасці, паляпшае ўвагу, памяць і канцэнтрацыю. Больш за тое, навукоўцамі даказана, што ўжыванне кавы кожны дзень паляпшае настрой і памяншае верагоднасць дэпрэсій. Кава багата на карысныя мінералы і антыаксіданты, якія дапамагаюць нашаму арганізму.

Як казаў Гюстаў Флобер: «Смак кавы выдатны, але не зразумелы. Яго трэба навучыцца разумець і любіць, толькі пры гэтай умове можна атрымліваць асалоду ад яго у поўнай меры».