Камон на гурток юных пісьменнікаў

Вы даўно марылі напісаць раман, паэму або п’есу, але неяк рукі не даходзілі, натхнення не хапала ці можа проста не ведалі з чаго пачаць? Тады у нас ёсць для вас сюрпрыз  — “Літаратурная Лупа”. Дом Прэсы ў чарговы раз гатовы адчыніць свае дзверы на сустрэчы з пісьменнікам Віктарам Лупасіным ў рэдакцыі газеты «Знамя юности».

Новы сезон “Літаратурнай лупы” праходзіць ужо ў другі раз, зноў збірае тых, хто гатовы спрабаваць новае, паўтараць старое, хто даўно хацеў пачаць, але баяўся. Утульная зала, дзе сабраліся ўсе тыя, хто прыйшоў на сустрэчу з Віктарам Лупасіным, як бы запрашала на вечар, пасля якога ніхто не сышоў з дрэнным настроем.

Падчас размовы з аўтарам, маладыя паэты чыталі свае вершы, нарысы і апавяданні. Слухалі крытыку не толькі пісьменніка, але і сваіх новых сяброў. “Галоўнае не баяцца спрабаваць” – падкрэслівае Віктар. Юлія Вітта, якая прыйшла сюды ў першы раз, чытала свае невялікія апавяданні, ў якіх прысутнічаюць медыцынскія элементы, і гэта нездарма, бо навучаецца дзяўчынка ў Беларускім дзяржаўным медыцынскім каледжы. Усе, хто прысутнічаў на “Літаратурнай Лупе”, ацанілі работы Юлі добрымі каментарыямі.

За час у “Літаратурнай лупе”, які так хутка праляцеў за размовамі і жартамі, новая каманда паспела не толькі абмеркаваць і разабраць працы маладых пісьменнікаў, але і скласці сумесны верш. Паставіўшы мэты і задачы на наступную “Літаратурную лупу”, маладыя пісьменнікі разышліся па хатах, але абяцалі на наступны раз прыйсці зноў і прывесці з сабой сяброў.