Жывыя людзі, жывыя эмоцыі: 26 лістапада ў пабе “Брюгге” адбыўся “Жывы фэст”

Юлія Маціеўская

Інстытут журналістыкі

Насталі халодныя зімовыя вечары, але ўдзельнікаў “Жывога фэсту”, які сапраўды аказаўся вельмі жывым,  будуць яшчэ доўга саграваць успаміны аб гэтым  мерапрыемстве. Фестываль складаўся з трох частак: расповедаў пра вандроўкі, паэзіі і музыкі. Кожная частка з іх была змястоўнай і цікавай… Але аб усім па парадку.

Тыя, хто чакаў лайфхакі ад вандроўнікаў, атрымалі асалоду ад гісторый Давіда Дзячэнкі і Аляксандра Гойшыка. Першым аб сваіх падарожжах і прыгодах па Еўропе рассказаў Давід Дзячэнка, які вярнуўся тыдзень таму з Іспаніі. Ён прадставіў праект VSEREALNO.  Вандроўнік пабываў у 44 краінах, 3 з якіх з’яўляюцца непрызнанымі рэспублікамі. Ён падзяліўся з удзельнікамі фэста сваімі схемамі і даў некаторыя парады для тых, хто сур’езна задумваецца вандроўнічаць аўтастопам.
Эстафету з цікавымі, вясёлымі гісторыямі пераняў Аляксандр Гойшык, які падарожнічаў па Азіі. Ён таксама падчас свайго выступу прывёў шмат займальных фактаў аб падарожжах, краінах і людзях. Аўдыторыя пазнаёмілася з яго вандроўкамі ў лічбах. Аляксандр Гойшык наведаў 13 краін за 191 дзень. Свой маршрут 13200 км вандроўнік пераадолеў на 563 машынах.

Расповеды гэтых людзей здзіўляюць і захапляюць. У канцы першай часткі фестываля  Аляксей Сапрыкін – вядучы “Жывога фэста” – спытаў у публікі, ці натхніўся хто-небудзь на такія падарожжы, амаль уся зала падняла рукі. А ўжо праз некалькі хвілін публіка будзе заслухвацца вершамі запрошаных паэтаў.

Сваёй творчасцю падзяліліся Віталь Рыжкоў, Наста Кудасава, а таксама Андрэй Хадановіч. Яны ўразілі сваёй індывідуальнасцю і непаўторнасцю стылю.

Арганізатары “Жывога фэста” падрыхтавалі прыемныя сюрпрызы для ўдзельнікаў і правялі некалькі конкурсаў, адзін з іх у інстаграме. Пераможцы атрымалі квіткі на канцэрты, новыя календары, прысвечаныя выцінанкам, а таксама торбачкі ад symbal.by.
Заключным этапам “Жывога фэста” стаў вялікі музычны сэт. Госці пачулі трэкі ўкраінскага гурту “Колір”. Аўдыторыя ацаніла іх выступ на “ўра”, магчыма таму, што ў іх выкананні прагучалі і беларускамоўныя песні, што вельмі здзівіла слухачоў.

“Мы будзем танчыць!” — словы Мікіты Найдзёнава, лідара гурту Hurma, ажывілі ўдзельнікаў фэста. Акрамя таго, людзі змаглі ацаніць жывое выкананне новага трэка “Люк, я твой тата”. Пазітыўныя ноткі цудоўнага настрою гурта Hurma перанялі і слухачы.

Асаблівай энергічнасцю зарадзілася аўдыторыя ад наступных выканаўцаў —гурта Naka. Прыхільнікам, якія прыйшлі менавіта дзеля гэтага гурту, перадалася моц кожнага з трэкаў.
Завяршылі фэст магілёўскія музыкі — гурт Akute. Тэксты іх песен гучалі з вуснаў не толькі саліста, але і амаль ўсёй аўдыторыі. Выканаўцам разам з удзельнікамі ўдалося стварыць неверагодную атмасферу фестываля, які, спадзяемся, стане добрай традыцыяй.

Фота: Маргарыта Гайдаржы.

Оставить свой комментарий

Вы должны авторизоваться чтобы оставить комментарий.

Студент онлайн © 2017 Все права защищены

Неофициальный сайт студентов Института журналистики БГУ